N°26 — Ottobre 2025

Chì simu ?

Da Per Noi hè u ghjurnale di Core in Fronte, muvimentu populare corsu natu in ghjennaghju di u 2018 in Corti.

Core in Fronte lotta per i diritti di u populu corsu — nant'à u pianu storicu, puliticu, suciale è eculogicu — è dunque per l'autodeterminazione è l'indipendenza di a Corsica : ricunniscenza di u populu corsu, coufficialità di a lingua, statutu di residente, un veru putere legislativu.

Cum'è u so nome u dice, Da Per Noi hè un ghjurnale fattu da per noi : e nostre analisi, e nostre lotte, a nostra voce, senza filtru. In corsu è in francese.